Ny fitrandrahana tsy ara-dalàna (na volamena na vatosoa sarobidy) dia lasa olana lehibe any amin'ny faritra voaaro maromaro any avaratra atsinanan'i Madagasikara, anisan'izany Réserve Spéciale d'Anjanaharibe-Sud , Faritra Voajanahary Makira, ary Faritra arovana Makirovana-Tsihomanaomby.
Tao Makira, atsimon'i Anjanaharibe-Sud, dia nisy fitrandrahana harena an-kibon'ny tany niarahan'ireo mpitrandraka efa ho 400 nandrava velaran-tany 60 hektara teo ho eo tao amin'ny valan-javaboary, ka nosoloina lavaka misokatra sy toeram-ponenana ny ala madio. Na dia noroahina aza ireo mpitrandraka, dia maro no niverina ary norahonana ireo mpiasan'ny fitantanana ny valan-javaboary.
Pression sur les forêts – Des exploitants miniers envahissent le parc de Makira
Any avaratr’i Marojejy fotsiny dia misy faritra arovana kely antsoina hoe Makirovana-Tsihomanaomby izay tantanin’ny fokonolona sy ny Fikambanana Makirovana. Vao tsy ela akory izay no nahitana toeram-pitrandrahana volamena tsy ara-dalàna tao anatin’io faritra arovana io ny fisafoana ny fokonolona ka mpitrandraka roalahy no voasambotry ny polisy. Ho valifaty, andiana mpitrandraka lehibe kokoa no nanao fanafihana mahery vaika tamin'ny tanàna manodidina ny faritra, ka nandrava trano 88 sy toeram-pambolena hazo 10 ary toeram-pambolena fambolen-kazo.